Өзбекстандық шахматшылардың соңғы бір жылдағы халықаралық ареналардағы сенсациялық жеңістерінен кейін Өзбекстан жылдың ең үздік шахмат елі болып танылды.

Нидерландыда өткен халықаралық турнирдің қорытындысында Нодирбек Абдусатторов пен Джавахир Синдоров жылдың ең үздік шахмат еліне берілетін «Tour D'or» - «Алтын мұнара» жүлдесін алды. Өзбекстан шахмат федерациясына Еуропаның шахмат жүлдесін атақты француз гроссмейстері Башар Куатли табыстады.

Сондай-ақ, Tata Steel Chess-2023 жарысында норвегиялық Магнус Карлсен 2022 жылдың үздік шахматшысы атанды. Үндістандық Доммараджу Гукеш 2022 жылдың үздік жас шахматшысы болды.