Президент Шавкат Мирзияев Ташкент облысындағы сапары аясында Жоғары Шыршық ауданындағы «Euro Global Invest» ЖШС компаниясының қызметімен танысты.

Өткен жылдың желтоқсанында іске қосылған «Euro Global Invest» ірі құрама темірбетон панельдерін шығаруға маманданған. Жобаның жалпы құны 40 миллион еуроны құрайды. 7 гектаарлы өндірістік алаңға Италия, Германия және Австриядан әкелінген заманауи желілермен жабдықталған.

Компанияның өнімдері әлемдік стандарттарға сәйкес келеді және жер сілкінісіне төзімділігі жоғары. Осынау құрылыс материалдарын пайдаланатын үйлердің бағасы басқаларға қарағанда 30% арзан болады. Өнімдерді түрлі-түсті етіп жасауға болады.

Зауыттың қуаттылығы жылына 500 мың текше метр бетон бұйымдарын, 1 млн тонна тас ұсақтау және сонша асфальт дайындай алады. Ішкі және сыртқы есіктер, терезе жақтаулары мен жиһаздар да осы жерде жасалады.

Мемлекет басшысы өндіріс пен материалдар құрылысының толық «тізбегін» құру арқылы тұрғын үй құнын одан әрі төмендетіп, жастарды көптеп тарту қажеттігін айтты.

Қазіргі уақытта мұнда 850 адам жұмыс істейді. Жыл соңына дейін жұмыс орындарының санын 1500-ге дейін арттыру жоспарланған.

Бүгінгі сапар аясында дәл осы зауытта 2021-2022 жылдары Ташкент облысында жүзеге асырылатын инвестициялық жобалардың тұсаукесері өтті.