English
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
Шавкат Мирзияев темір жолды электрлендіру жобасының таныстырылымына қатысты
21:52 / 2022-11-28

28 қарашада Президент Шавкат Мирзияев Бұхара-Үргеніш-Хиуа темір жолын электрлендіру жобасының таныстырылымына қатысты.

Өзбекстанда көлік желілері дәйекті түрде дамып келеді. Атап айтқанда, 2018 жылы Бұхара-Мискин темір жолы салынып, Хиуаға дейінгі қашықтық 242 шақырымға дейін қысқарды. Бұл ретте электр пойызының ПӘК-і 4,5 есе жоғары екендігін ескере отырып, қолданыстағы темір жолдар электрлендірілуде. Соңғы жылдары Қаршы – Китаб, Поп – Наманган – Әндіжан және Қаршы – Термез бағыттары электрлендірілген.

Мемлекет басшысы Хорезм халқымен кездескен кезде 2024 жылы Хиуа қаласына қатынайтын жүрдек электр пойызы жолға шығатынын, бұл жоспар Өзбекстан Республикасының 2022-2026 жылдарға арналған инвестициялық бағдарламасына енгізілгенін айтты. Осылайша Бұхара-Үргеніш-Хиуа темір жолын электрлендіру басталды.

Бүгінгі презентацияда аталған жұмыстардың барысы мен күтілетін нәтижелер туралы ақпарат берілді.

Бұл жобаның құны 445 миллион долларды құрайды. Оның 270 миллион доллары Азия даму банкі мен Азия инфрақұрылымдық инвестиция банкінен тартылады. Жоба аясында Бұхарадан Хиуаға дейінгі 465 шақырымдық теміржол желісі электрлендіріліп, бекет, қосалқы станциялар және басқа да нысандар салынады.

Жолдың тиімділігі, тиісінше, айтарлықтай артады. Мысалы, пойыздардың максималды жылдамдығы сағатына 250 шақырымға дейін жетеді. Осының нәтижесінде жолаушылардың Ташкенттен Үргеншіке дейін жүру уақыты 14 сағаттан 6 сағатқа, Бұхарадан Хиуаға дейін 8 сағаттан 3 сағатқа дейін қысқарады. Бұл халқымызға үлкен жайлылық туғызып, туризмді дамытудың маңызды факторы болмақ.

Жылдамдықтың орнына теміржолдың өткізу қабілеті де артады. Жүк тасымалдау мүмкіндігі жылына 11 миллион тоннаға дейін, ал жолаушылар саны 2 миллион 300 мың адамға артады. Электр қуатымен жүретін пойыздар есебінен жылына 18 мың тонна дизель отыны үнемделеді.

Мемлекет басшысы жобаның сапасына ерекше назар аударды.

– Бұған дейінгі жобаларда біздің мамандар көп тәжірибе жинақтады, шетелдік кеңесшілер де тартылды. Енді ең бастысы – жұмысты жақсы атқару. Бұл жолды неғұрлым жақсы етіп жасасақ, халқымызға, туристерге қолайлық, экономикамызға соғұрлым жақсы болады, – деді Шавкат Мирзияев.

Бұхара және Хорезм облыстарының әкімдеріне жүрдек пойыз өтетін аудандар мен қалаларда жол бойындағы қызмет көрсетуді ұйымдастыру тапсырылды.

-Темір жол баған жерге мәдениет барады, өмір жанданады. Сондықтан вокзал маңындағы, сондай-ақ тас жол бойындағы сауда және қызмет көрсету орындарының санын көбейту қажет. Тағы бір міндет – темір жол бойына шөлді климатқа қолайлы ағаштар мен бұталарды отырғызу керек. Бұл ауданның экологиясына әсер етіп, жол жиегін әдемі етеді, деді Мемлекет басшысы.

Президент Нөкіс қаласына дейін баратын темір жолды осы жобаға сәйкес электрлендіруді жауаптыларға тапсырды. Осының арқасында Ташкент пен Нөкіс арасындағы жол жүру уақыты 16 сағаттан 7 сағатқа дейін қысқарады.

Сондай-ақ шарада жаңартылатын энергия көздерін пайдалануды кеңейту, мемлекеттік ұйымдардың ғимараттарына күн батареяларын орнату, тұрғындарды осы бағытта ынталандыру мәселелері бойынша тапсырмалар берілді.