Президент Шавкат Мирзияев 5 қазанда ұлттық пошта жүйесін реформалау бойынша кеңес өткізді.

Пошта жүйесі хат жіберу, сәлемдемелер мен тауарларды жеткізуге, банктік, қаржылық және мемлекеттік қызмет көрсетуге мамандандыру арқылы саланың тұрақтылығын қамтамасыз ету маңызды мәселе болып табылады.

Осы негізде қарағанда «Өзбекстан поштасы» АҚ жүйесінде республика аймақтарын қамтитын 2 мыңнан астам филиалдар мен 7 мың қызметкері бар. Бірақ көптеген жылдар бойы назардан тыс қалу нәтижесінде пошта қызметінің сапасы төмендеді. Атап айтқанда, соңғы он бес жылда 1300 пошта бөлімшесі жабылды. Өткен жылы шетелден жеткізілген 6000 тонна жүк тасымалдаудың тек 10 пайызы және курьерлік қызметтердің 30 пайызы ұлттық поштаға үлесіне тура келген.

Сондықтан осы мәселеге орай жағдай зерттеліп, Азия даму банкі мамандарының қатысуымен пошта жүйесін реформалау бойынша ұсыныстар дайындалды.

Жиында Мемлекет басшысы саланы дамыту үшін пошта жүйесін тиімді салаға айналдыру қажеттігін айтты және жеке операторлармен ынтымақтастық орнату мен қосымша қызметтер көрсету арқылы пошта бөлімшелерінің кірістерін арттыруға болатындығын жеткізді.

Мысалы, қазіргі кезде электронды сауданың дамыған кезі. Интернетте сатып алынған тауарларды иесіне жеткізу сұранысына әрқашан талап бар. Сонымен қатар, біздің елге кірген халықаралық тасымалдаушылардың аймақтарда филиалдары жоқ. Осы мүмкіндіктерді ақылмен пайдаланып, пошта сәлемдемелері мен тауарларды соңғы межелі жерге жеткізуді ұйымдастырған жөн.

Соның негізінде бүгінгі отырыста соңғы межеге дейін жеткізу жүйесі аудандарда сынақтан өткізіліп, оны келесі жылдың 1 наурызынан бастап, ал бүкіл ел бойынша 1 шілдеден бастап облыс орталықтарында енгізу жоспары белгіленді. Ол үшін жеткізілімдерді қабылдауға, сұрыптауға және желіде қадағалауға мүмкіндік беретін автоматтандырылған ақпараттық жүйені іске қосу қажет екендігі атап өтілді.

Саланың тағы бір табыс көзі - пошта бөлімшелерінде онша күрделі емес мемлекеттік қызметтерді құру. Осыған орай, «Өзбекстан поштасы» АҚ-ның шалғай аудандардағы 300 филиалында 13 мемлекеттік қызмет түрін көрсетуді ұйымдастыру тапсырылды.

Жаңа пошта қызметін жасау үшін кадрларды қайта даярлау, кәсіпкерлермен мемлекеттік-жекеменшік серіктестік негізінде пошта ғимаратын пайдалану мәселелеріне назар аударылды.