Аввалроқ Токио ва Сеулдаги сайлов участкалари фаолият бошлагани, бу ерда Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлигига номзодларга овоз беришда юртдошларимиз фаоллиги кузатилаётгани ҳақида хабар берган эдик.

Ўзбекистон Республикаси Марказий Сайлов комиссияси раиси М.Абдусаломов сайлов жараёнининг боришига бағишлаб ўтказилган илк матбуот анжуманида маълум қилишича, айни вақтда Хитой, Малайзия, Сингапур, Индонезия, Таиланд ва Ҳиндистондаги мамлакатимиз ваколатхоналари ҳузурида ташкил этилган сайлов участкаларида ҳам сайлов жараёни бошланган.