Өзбекстан Бас прокуратурасы Сырдария облысының Сардоба ауданындағы су қоймасында болған апатқа байланысты қылмыстық іс қозғады.

Бас прокуратура хабарында айтылуынша 2020 жыл 1 мамыр күнгі Сырдария облысындағы Сардоба су қоймасының қирауына орай болған су тасқынына байланысты Қылмыстық кодекстің 207-бабы 1-тармағы және 258-бабы 2-бөлігінің «б» тармағы бойынша қылмыстық іс қозғалды, делінген.

Қылмыстық іс бойынша тергеу амалдарын жүргізу Мемлекеттік қауіпсіздік қызмет органына жүктетілген. 

Еске сала кетсек, 1 мамыр таңғы сағат 05:55 кезінде Сардоба су қоймасының бөгенінің 6-пикеті бұзылып су тасқынының нәтижесінде аумақтағы 22 ауылды-мекеннен 70 мыңға жуық азамат қауіпсіз аймаққа эвакуацияланған болатын. Ал орын алған апаттан келген шығын қазірге толықтай анықталған жоқ.