Қытайдан Өзбекстанға 50 контейнерде фотоэлектр элементтері бар алғашқы жүк пойызы жолға шықты
Фотоэлектрлік элементтер тиелген пойыз Қытайдың Шэньси провинциясының әкімшілік орталығы Сиань қаласынан Өзбекстанға жол тартты.
«Синьхуа» агенттігінің хабарлауынша, жүк пойызына Өзбекстандағы 1 ГВт фотоэлектрлік жобаға арналған өнімнің алғашқы партиясы болып табылатын 20 МВт фотоэлектрлік элементтерден тұратын 50 контейнер тиелген.
Бұл жоба мамыр айында өткен «Қытай-Орталық Азия» саммитінен кейін қытайлық компанияның Орталық Азияда жүзеге асырған алғашқы ірі жаңа энергетикалық жобасы болып табылады.
Жобаны жүзеге асыру үшін Қытай-Еуропа теміржол бағыты бойынша Өзбекстанға 3000-ға жуық контейнер тиелген барлығы 60 пойыз жөнелтіледі деп күтілуде.