Фоторепортаж

Қашқадарё вилоят соғлиқни сақлаш бошқармаси, республика ихтисослаштирилган кардиология, эндокринология илмий-амалий тиббиёт марказлари филиаллари, “Умид” хайрия жамоат бирлашмаси ва Қарши шаҳридаги “Шифо-нур” клиникаси ҳамкорлигида “Юрак -  ҳаёт учун!” хайрия акцияси ташкил этилди.

[gallery-9012]

Тадбир давомида ижтимоий ҳимояга муҳтож 90 нафар бемор малакали кардиолог, эндокринолог, офтольмолог ва бошқа мутахассислар кўригидан ўтказилди.

- Йигирма йилдан бери юрак-қон томир касаллигидан азият чекаман,  - дейди косонлик Қосим бобо Шоймардонов. – Юрагимни икки марта операция қилишган. Кейинги йилларда қандли диабет ҳам безовта қилади. Шу боис тез-тез малакали мутахассислар кўригидан ўтиб туришим керак.  Бугунги кўрикда ҳам малакали шифокорлар текширувидан ўтиб, керакли тавсияларни олдим. 

Жамшид НОРҚОБИЛОВ (сурат), ЎзА 
.