Парижде өткен «World cuisine week» халықаралық аспаздық фестивалінде өзбек палауы ең жақсы тағам атанды.

Dunyo порталының дерегінше, 2021 жылдың 30 қараша мен 7 желтоқсан аралығында Париждегі «Réfectoire des Cordeliers» көрме кешенінде «World Cuisine Week» халықаралық аспаздық апталығы өтіп, оған Өзбекстан дипломатиялық миссиясы ұлттық стендпен қатысты.

Дүниежүзілік асхана апталығы Франциядағы ең ірі аспаздық шара болып, оған 65-тен астам елдің өкілдері қатысты. 

Фестивал соңында ұйымдастырушылар мен қазылар өзбек ұлттық тағамы – палауды «ең жақсы тағам» деп атады.

Осы шара аясында «Gourmand Awards Ceremonies», «Paris Cookbook Fair», «Sustainable Food Congress», «World Cuisines Market» конференциялар мен іс-шаралар ұйымдастырылды.