Президентимиз Шавкат Мирзиёев раислигида жорий йил 19 сентябрь куни мамлакатимизнинг ички ва ташқи туризм салоҳиятини янада ошириш чора-тадбирлари юзасидан видеоселектор йиғилиши ўтказилди.

Йиғилишида темир йўл тармоғига оид берилган топшириқларнинг ижросини таъминлаш, хорижлик мутахассислар билан тажриба алмашиш, ишлаб чиқарувчилар билан яқин алоқалар ўрнатиш мақсадида “Ўзбекистон темир йўллари” АЖ бошқарув раиси Х.Хосилов бошчилигидаги делегация Германиянинг Берлин шаҳрида иш бошлаган “InnoTrans 2022” Транспорт технологиялари халқаро савдо ярмаркасига ташриф буюрди.

Мазкур нуфузли тадбирда қатнашаётган делегация аъзолари Франциянинг “Alstom”, Германиянинг “Siemens”, Испаниянинг “CAF”, Швейцариянинг “Stadler”, Чехиянинг “Scoda”, Жанубий Кореянинг “Hyundai” каби дунёнинг етакчи компаниялари билан янги электропоездлар ҳамда замонавий йўловчи вагонларни харид қилиш бўйича қизғин музокаралар олиб боришмоқда.

Учрашувлар натижасига кўра, Республикамизнинг барча вилоятлари орқали тўлақонли темир йўл қатновларини таъминлаш учун 34 та электропоезд, 6 та дизель поезди ҳамда камида 100 та янги замонавий турдаги йўловчи вагонларни харид қилиш мўлжалланган.

И.Аввалбоев, ЎзА