Андижон давлат университети баскетбол майдонида аёллар жамоалари ўртасида ўтказилган Ўзбекистон Республикаси кубоги учун баҳслар ўз якунига етди. Эътиборлиси, кубок баҳсларида ОКМК аёллар баскетбол жамоаси барча учрашувларни кўтаринки руҳда ўтказиб, ғолибликни қўлга киритди ва 13 бор Ўзбекистон кубогига эга чиқди.

Мураббий Жаҳонгир Ходжаев шогирдларининг ҳисобида 10 карра мамлакат чемпионлиги, 12 карра Ўзбекистон кубоги ва 8 карра Ўзбекистон мустақиллиги кубоги каби ютуқлар борлигини алоҳида таъкидлаш жоиз.

ОКМК жамоаси аъзолари – Елена Ҳуснитдинова, Марина Захарова, Вероника Маскалёва, Наталья Конева, Дарья Аликберова, Христина Авдеева, Александра Щубцова, Дляра Асанова, Татьяна Комарова, Татьяна Цой, Фарангиз Жалилова, Анастасия Цой, Инна Шек, Эльвира Саловатоваларни ушбу ғалабалари билан муборакбод этиб қоламиз.

ОКМК матбуот хизмати  

ЎзА