Өзбекстанда соңғы күндері коронавирус жұқтырғандар саны азайып, елдегі эпидемиологиялық жағдай жақсарып келеді.

Соның бір дәлелі ретінде кеше елдің төрт аймағынан 14 инфекция жұқтырғандар анықталған. 

«2022 жылдың 9 наурыз күнгі жағдай бойынша Өзбекстанда тіркелген коронавирустық инфекциялардың саны – 237 059 (+14) жетті», - делінген ДСМ хабарламасында.

Жаңадан індет жұқтырғандар Әндіжан (2 адам), Науаи (1 адам), Сұрхандария облыстарында (5 адам) және Ташкент қаласында (6 адам) тіркелген.

Сонымен қатар, өткен тәулікте 3 адамға пневмония диагнозы қойылған. Сондай-ақ, 75 азамат сауығып, елдегі сауыққандардың жалпы саны 234 360-қа жеткені айтылады.

Осылайша қазіргі уақытта елдегі сауығу көрсеткіші 98 пайызды құрауда.