Ферғана қаласынан Сух ауданына шағын ұшақтар (тікұшақ пен ұшақ) тұрақты қатынауы жолға қойылады. Бұл жөнінде Өзбекстан Президенті тиісті қаулыға қол қойды.

Қаулыға сай, Көлік министрлігі Қырғыз Республикасының әуе кеңістігін пайдалану мәселесі толық шешілгеннен кейін бір аптаның ішінде Ферғанадан Сух ауданына кіші әуе көлігімен арзан бағада тұрақты рейстердің ашылуын қамтамасыз етуі керек, - делінген.

Осыған орай Ферғана облысы әкімшілігіне бір ай ішінде Сух ауданында ұшақ пен тікұшақтардың ұшу-қону жолағын құру тапсырылып, Сыртқы істер министрлігі мен Қорғаныс министрлігіне Қырғызстанның әуе кеңістігін пайдалану мәселесін шешу міндеті қойылды.