Алдағы апталарда Еуропаны COVID-19 инфекциясының жаңа толқыны басталуы мүмкін.

Бұл туралы Еуропалық дәрі-дәрмек агенттігінің басшылары мәлімдеп, олар пандемия аяқталмағанын, ал омикрон нұсқасы мутациялануын жалғастырып жатқанын айтқан. 

Сарапшылардың кейбір мутациялар басқаларға қарағанда көбірек алаңдататынын жеткізген.

Марко Кавалери, EMA: «Өткен аптада BQ.1 деп аталатын жаңа омикрон нұсқаларының бірі Еуропалық Одақ пен Еуропалық экономикалық аймақтағы кемінде бес елде анықталды. Еуропалық аурулардың алдын алу және бақылау орталығының деректері бойынша BQ.1 және BQ.1.1 деп аталатын әрбір кіші топ қарашаның ортасынан желтоқсанның басына дейін басым штаммдарға айналады».

Мамандар күзде және қыста тұмау мен ковид вирустары бір мезгілде тарайтынын айтқан. Осыған байланысты еуропалықтарға екі вакцинамен де, әсіресе қауіп тобындағы адамдарға екпе алу ұсынылады. Қолданыстағы вакциналар әлі де тиімді дейді ғалымдар. Алайда коронавирус ғалымдар вакциналарды жаңа штаммға бейімдей алатынына қарағанда тезірек мутацияға ұшырайды.

Коронавирус пандемиясы жарияланғаннан бері әлемде бүгінге дейін 630 миллионға жуық жағдай анықталып, 6,58 миллионнан астам жан көз жұмған.