Еуропалық Одақ Украина, Грузия және Молдованың одаққа мүше болу туралы өтініштерін қарауды бастады.

France-Presse басылымының дерегінше, Еурокомиссия осыған байланысты ресми қорытынды дайындайды және ЕО-ға мүше 27 мемлекет өзінің осы елдер бойынша шешімін жариялайды.

28 ақпанда Украина Президенті Володимир Зеленки елдің Еуропалық Одақ мүшелігіне кіру туралы хатқа қол қойды.

3 наурызда Грузия премьер-министрі Иракли Гарибашвили ЕО-ға кіру туралы өтінішке қол қойды.

Грузия мен Украинадан кейін Молдова да ЕО-ға қосылғысы келетінін мәлімдеп өтініш хатын тапсырды.