Біріккен Араб Әмірліктеріндегі Өзбекстан елшілігінде Әбу-Даби әмірлігі Мәдениет және туризм департаменті басшысының орынбасары Сауд Абдулазиз Әл-Хосанимен кездесу өтті.

Dunyo ақпараттық агенттігінің хабарлауынша, осы жылдың желтоқсан айында ашылатын Абу-Даби-Самарқанд рейсі бойынша БАӘ БАҚ өкілдеріне ақпараттық тур ұйымдастыру және келесі кезеңде Өзбекстан БАҚ өкілдері үшін Абу-Дабиге танысу сапарын ұйымдастыруға келісілді.

Сауд Абдулазиз Әл-Хосани кездесуде өз тарапынан Etihad Airways әуе компаниясының Өзбекстан нарығына шығу мүмкіндіктері зерттелетінін айтқан.

Сұхбат барысында жыл сайынғы дәстүрлі шейх-Зейд фестиваліне өзбекстандық қолөнершілері мен өзге де сала өкілдерінің тұрақты түрде қатысып жатқаны сөз болып, 2022 жыл 18 қарашада ашылуы күтілетін келесі конференция аясында бірлескен іс-шаралар өткізу мәселесі талқыланды.  

Штаб-пәтері Абу-Дабиде орналасқан Біріккен Араб Әмірліктерінің Etihad Airways ұлттық әуе компаниясы 2003 жылы құрылған болып, 2008 жылы тасымалданған жолаушылар саны 6 миллион адамнан асқан.