AOKAda o‘tkazilgan brifingda Farmatsevtika tarmog‘ini rivojlantirish agentligi axborot xizmati rahbari Qizlarxon Begmatovaning tushuntirishicha, Sog‘liqni saqlash vazirligining 2018 yil 9 martdagi 13-sonli “Dori vositalarini qo‘llashda aniqlangan nojo‘ya ta’sirlar to‘g‘risida xabardor qilish tartibi to‘g‘risidagi nizomni tasdiqlash to‘g‘risida”gi buyrug‘iga binoan, nojo‘ya ta’sir yuzaga kelgan taqdirda, aniqlangan holat to‘g‘risida belgilangan muddatda yozma xabarnoma tayyorlanishi va yuborilishi kerak.

Shifokor bemorda jiddiy nojo‘ya ta’sir (anafilaktik ta’sir, Layell sindromi yoki Stivens-Jonson sindromi shuningdek, odamning o‘limi) holatlari aynan ushbu dorini qo‘llash oqibatida vujudga kelganligi to‘g‘risida xulosa chiqargan holda, bu haqda 1 kun ichida xabarnoma rasmiylashtiriladi.

Boshqa barcha holatlarda, kuzatilgan yoki aniqlangan nojo‘ya ta’sir, shuningdek qo‘llanilgan dorilarning samaradorligi yo‘qligi to‘g‘risida 10 kun ichida xabar berish kerak.

M.Qosimova,

O‘zA