Дүниежүзілік денсаулық сақтау ұйымы американдық Novavax компаниясының лицензиясы бойынша үнді институты шығарған CovavaxTM деп аталатын COVID-19 вакцинасын шұғыл жағдайларда қолдануға рұқсат берді.

Associated Press-тің хабарлауынша, вакцинаны тек коронавирусқа қарсы вакцинацияланған саяхатшыларға рұқсат беретін бірқатар елдер мақұлдайды деп күтілуде.

Препараттың артықшылықтарының бірі қарапайым сақтау шарттары болып табылады. Вакцинацияның толық кезеңін аяқтау үшін оның екі дозасын қабылдау жеткілікті.

Вакцина табысы төмен елдерде, соның ішінде ДДСҰ-ның COVAX бағдарламасы арқылы вакцинация деңгейін арттыруға көмектеседі деп күтілуде.

Еске сала кетсек, CovavaxTM – ДДСҰ мақұлдаған тоғызыншы COVID-19 вакцина.