Польшанинг Варшава шаҳрида бадиий гимнастика бўйича “Irina Cup 2022” халқаро турнири бўлиб ўтмоқда.

Мазкур турнирда ўзбекистонлик гимнастикачи Екатерина Фетисова шоҳсупанинг энг юқори поғонасидан жой олди. Кўпкураш натижаларига кўра, Екатерина 122,90 балл тўплади ва олтин медални қўлга киритди.

Яна бир гимнастикачимиз Ёсмина Раҳимова 120,50 балл тўплаб кумуш медаль соҳиби бўлди. Озарбайжон вакили Илона Зейналова 116,550 балл тўплаб  учинчи ўринни эгаллади, – дейилади Спортни ривожлантириш вазирлиги матбуот хизмати хабарида.

ЎзА