Халқаро даражадаги спорт мусобақаларини бевосита мамлакатимизда ўтказиш анъанага айланиб боряпти.

Бундай спорт мусобақалари эса ёш спортчиларни тарбиялаш билан бир қаторда мамлакатимиз нуфузини халқаро миқёсда янада оширишга хизмат қилиши тайин.

Шу жумладан, "Ҳумо Арена" спорт мажмуасида Ўзбекистон профессионал бокс Федерациясининг Васийлик Кенгаши билан ҳамкорликда халқаро даражадаги "Бокс кечаси" ўтказилмоқда.

Мазкур "Бокс кечаси"нинг биринчи қисмида янги форматдаги Марказий Осиё турнири қизғин кечмоқда.

Ҳозирча осиёлик дебютант боксчилар иштирокида 3 та жанг якунига етди. Дастлаб Иманказиев Дастанбек (Қирғизистон) ва Нурим Дилшад (Қозоғистон) шоҳсупага кўтарилди. Қозоғистонлик спортчининг қўли устун келди.

Иккинчи жангда ҳамюртларимиз Абдураҳмонов Тимур ва Арслонов Фаррух ўзаро курашди. Фаррух Арслонов ишончли ғалабага эришди.

Учинчи жанг эса Йўлдошев Аббос ва Кенжаев Шоҳруҳбекнинг рингга кўтарилиши билан тугади.

Турнирнинг иккинчи қисмида эса жаҳонда таниқли бўлган боксчиларнинг жанглари ўтказилади.

Маълумот ўрнида: мазкур тадбирда иштирок этиш учун хорижий давлатлардан юз нафарга яқин боксчи ва уларнинг мураббийлари, дунёга машҳур фахрий меҳмонлар Ўзбекистонга ташриф буюришган.

"Бокс кечаси" Жанубий Америка ва Европа давлатларида ҳам тўғридан-тўғри эфирга узатилмоқда.

<iframe width="640" height="420" src="https://www.youtube.com/embed/GT9ytZGG4QU" title=""Ҳумо Арена" спорт мажмуасида "Бокс кечаси" давом этмоқда" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Турнирни ЎзАда кузатиб боринг.

Б. Худойбердиев, 
Н. Ҳайдаров (сурат), 
Ё. Мелибоев (видео), 
ЎзА