АҚШ Украинаға құны 3 миллиард доллар (2,82 миллиард еуро) болатын жаңа әскери көмек пакетін береді.

Ақ үйдің баспасөз хатшысы Карин Жан-Пьер жұма күні, 6 қаңтарда, пакет - әзірге ең үлкені - қару-жарақ пен оқ-дәрілерді жеткізуден басқа, Украинаның әскери әлеуетін ұзақ мерзімді нығайтуға және оның қарулы күштерін жаңғыртуға 225 миллион доллар (211 миллион еуро), сондай-ақ Вашингтонның НАТО-ның шығыс флангындағы серіктестеріне қару сатып алу үшін 682 миллион доллар (640 миллион еуро) бөлуді қарастырады. 

АҚШ қорғаныс министрлігі Украина алатын қару-жарақ тізімін жариялады. Олар қатарында 50 Bradley жаяу әскерінің жауынгерлік машинасы, 500 танкке қарсы зымырандар және оларға арналған 250 мың 25 мм калибрлі снарядтар. Сонымен қатар, көмек пакетіне 100 M113 бронетранспортері, 55 минадан қорғалған MRAP бронетранспортері, 138 HMMWVS («Хаммер») жол талғамайтын көліктері, 18 дана 155 мм өзі жүретін гаубицалар және 36 дана 105 мм сүйрегіш гаубицалар бар. Тізімге «Бук» зениттік-зымырандық кешенінен ұшыру үшін жаңартылған Sea Sparrow «жер-әуе» зымырандары; HIMARS зымыран жүйесіне арналған қосымша оқ-дәрілер, әртүрлі артиллериялық снарядтар, зымырандар, мылтықтар және пулеметтер де қамтылған.

Ақ үйдің баспасөз хатшысы Карин Жан-Пьер баспасөз мәслихатында «АҚШ 3 миллиард доллардан астам жаңа әскери көмекті жариялау арқылы Украинаның өзін қорғау қабілетіне деген адалдығын көрсетеді» деген.