Қўшма Штатлар Тайванга қурол сотишни тўхтатиши керак, Тайван билан ҳар қандай ҳарбий алоқа “Ягона Хитой” тамойилини бузади. Хитойнинг Вашингтондаги элчихонаси матбуот котиби Лю Пэнъюй шу ҳақда баёнот берди.

“ТАСС” агентлиги хабарига кўра, АҚШ маъмурияти Конгрессдан Тайванга 1.1 миллиард долларлик қурол сотишни маъқуллашни сўраб, мурожаат қилган. 

“АҚШнинг Тайванга қурол сотиши “Ягона Хитой” ва Хитой-АҚШ учта қўшма коммюникеси қоидаларини қўпол равишда бузади, Тайван мустақиллигини қўллаш, дея тушунилади. Қўшма Штатлар қурол беришни зудлик билан тўхтатиши керак. Тайвань билан савдо ва ҳарбий алоқа оролда кескинлик кучайишига олиб келади”, деди дипломат.Шунингдек, Лю Пэнъюй 

“Хитой ўз суверенитети, хавфсизлик манфаатини ҳимоя қилиш учун қатъий ва жиддий чора кўришда давом этади”, деган.