АҚШ-тың Оклахома штатындағы фестивальде атыс болып, бір адам қаза тапты.

Associated Press порталының хабарлауынша, оқиға 1500 адам қатысқан жыл сайынғы Еске алу күніне арналған шарада орын алған болып, атыс салдарынан тағы жеті азамат жараланған.

Жергілікті тергеу бюросының мәліметінше, Тафт қаласында 39 жастағы әйел өлтірілген. Зардап шеккендердің арасында кәмелетке толмаған бір бала бар.

Полиция атыс жасады деген күдікпен 26 жастағы жігіт қамауға алған.