2021 жыл 8 желтоқсанда Өзбекстан Республикасының Сыртқы істер министрі Абдулазиз Камилов «Италия – Орталық Азия» министрлерінің кездесуіне қатысу үшін Ташкентке келген Қырғыз Республикасының Сыртқы істер министрі Руслан Қазақбаевпен кездесті.

Кездесу барысында саяси, дипломатиялық, шекаралық, сауда-экономикалық, энергетикалық, мәдени-гуманитарлық салалардағы өзбек-қырғыз қарым-қатынастарының өзекті мәселелері талқыланды.

Сондай-ақ, бұған дейін қол жеткізілген уағдаластықтардың орындалу барысы мен түрлі деңгейдегі алдағы іс-шаралардың кестесі талқыланып, тараптар халықаралық және аймақтық жағдай, соның ішінде Ауғанстандағы жағдай бойынша пікір алмасты, делінген СІМ хабарламасында.