АҚШ қор нарығының құлдырауы нәтижесінде америкалық миллиардерлер қомақты қаржысынан айырылды.

«Forbes» басылымыныдағы ақпаратқа сай, апта соңындағы АҚШ фонд биржасында технологиялық акциялар бағасының құлауы меншік иелерінің капиталын миллиардтаған долларға қысқартты. Олар арасында ең көп қаржы жоғалтқан Илон Маск. Оның байлығы 10 млрд долларға жуық нақтырақ айтқанда 9,9 млрд-қа азайған.

5 қыркүйектегі жағдай бойынша «Real-Time» рейтингінде Масктың капиталы 87,9 миллиард долларға бағаланған, ал миллиардер әлемдегі ең бай адамдар тізімінде бесінші орында тұр.

Акциялар бағасының құлдырауы нәтижесінде басқа миллиардерлер де шығынға батты. Атап айтқанда, «Amazon» басшысы Джефф Безостың байлығы 5,8 млрд-қа азайып - 193,5 млрд долларға дейін төмендеді. «Facebook» негізін қалаушы Марк Цукербергтің байлығы 4 миллиард долларға қысқарып, қазіргі кезде оның байлығы 103,8 млрд долларға бағаланған.