2023 жыл 2 ақпаннан бастап Өзбекстанның барлық облыстардағы автокөліктерге газ құю бекеттері кезең-кезеңімен қалпына келтіріледі.

Энергетика министрлігінің хабарлауынша, бүгінде газ құбырларындағы қысымы қалыпқа келгенінің нәтижесінде енді үйлер мен әлеуметтік нысандарды бір мезгілде көгілдір отынмен қамтуға мүмкіндік туды.

«Осы жылдың 2 ақпанынан бастап жергілікті әкімшілік басқару органдары ұсынған тізім бойынша газ құю бекеттерінің жұмысы кезең-кезеңімен басталады», делінген хабарламада.

Сонымен қатар, «газ-заправкалардың» жұмыс істеу мерзімі газ құбырларындағы қысымның жоғарылауына байланысты өзгеріп баратыны айтылған.

Еске салар болсақ, Өзбекстан аумағында ауа температурасының күрт төмендеуі нәтижесінде табиғи газды тұтынудың күрт өсуі байқалған еді.