Залужний Зеленскийга президентликка номзодини қўйишини айтди
“Украинская правда” хабар беришича, июнь ойи ўрталарида Президент Владимир Зеленский Девон раҳбари Кирилл Буданов, унинг ўринбосари Олег Татаров, “Халқ хизматкори” фракцияси раҳбари Давид Арахамия, Мудофаа вазири Михаил Фёдоров ҳамда Миллий хавфсизлик ва мудофаа кенгаши котиби Рустем Умеров билан ёпиқ учрашув ўтказган.
Манбаларга кўра, учрашувда 2026 йил кузида президентлик сайловини ўтказиш имконияти муҳокама қилинган. Ушбу учрашувга асос бўлган ёпиқ ижтимоий сўров натижасида Зеленскийнинг рейтинги пасайишдан тўхтагани, ҳатто бироз кўтарилгани кўрсатилган.
Тадқиқотга кўра, ҳозир сайловчиларнинг 33 фоизи биринчи турда Зеленскийга овоз беришга тайёр, 22 фоизи эса Валерий Залужнийга овоз беришини билдирган. Кирилл Буданов 14 фоиз билан учинчи ўринда. Иккинчи турда эса Зеленский Залужнийдан бироз ортда қолмоқда: 32 фоизга 37 фоиз.
Номзод ниятини аниқлаш учун Зеленский Украинанинг Буюк Британиядаги элчиси Залужнийни Киевга чақирди.
“Украинская правда” манбаси билдиришича, Зеленский Залужнийдан агар сайлов кузда ўтказилса, иштирок этиши ёки этмаслиги ҳақида сўраган. Залужний эса “Ҳа, қатнашаман” дея жавоб берган.
С.Раҳимов, ЎзА
