Ўзбекистон Республикаси Конституцияси қабул қилинганининг 33 йиллиги муносабати билан Миллий гвардия фахрийлари, гвардиячилар, таълим муассасалари курсант, талаба ва ўқувчилари ҳамда муддатли ҳарбий хизматчилар ўртасида “Заковат интеллектуал” турнири бўлиб ўтди.

Пойтахтимиздаги "Заковат арена"да иштирокчиларнинг мантиқий билимларини ошириш ҳамда интеллектуал салоҳиятини юксалтириш мақсадида ташкил этилган турнирда 24 та жамоа иштирок этиб, ўзларининг билимларини синовдан ўтказди.  

2 раунддан иборат бўлган ўйин давомида 12 тадан, жами 24 та конституция, Ўзбекистон ва жаҳон тарихи, коррупция, жадидчилик каби мавзуларда саволлар ўртага ташланди.

Якуний натижаларга кўра, фахрли 3-ўринга “Қалқон”, 2-ўринга талабалардан ташкил топган “Аура” жамоалари муносиб кўрилган бўлса, 1-ўринни Жамоат хавфсизлиги университетининг “Фаворит” жамоаси қўлга киритди.  

Соғлом рақобат ва дўстона руҳда ўтган “Заковат интеллектуал” турнири ғолиблари диплом, кубок ва эсдалик совғалари билан тақдирланди.

<iframe width="650" height="420" src="https://www.youtube.com/embed/f5-dUvYbhb8" title="“Zakovat”da eng zukko jamoalar aniqlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Раҳмонова, У.Тўхтаев (монтаж), ЎзА