Мамлакатимизга товар-моддий бойликларини белгиланган меъёрдан ортиқча олиб кирилишига бўлган уринишларга ўз вақтида чек қўйилмоқда.

Хусусан, “Истанбул-Фарғона” авиарейс орқали Фарғона шаҳрига учиб келган фуқаро З.Т.нинг ҳолати шубҳа остига олиниб, божхона назоратидан ўтказилди. Натижада, йўловчи божхона декларацияси билан декларацияланмаган, танасига яширилган ҳамда қўл сумкасида бўлган жами 483 миллион 795 минг сўмлик 105 дона 620,25 грамм аёллар тилла тақинчоқлари борлиги аниқланди.

Яна бир йўловчи М.Т ҳам кўрикдан ўтказилганда божхона декларациясида кўрсатилмаган  4 дона 31.9 грамм аёллар тилла тақинчоқлари борлиги аниқланган.

М.Сулаймонов, ЎзА