Бизга маълумки, Янги Ўзбекистон Тараққиёт стратегиясида бугунги глобаллашув жараёнида юртдошларимиз ва мамлакатимиз манфаатларини тўлақонли ҳимоя қилган ҳолда мамлакат тараққиётини таъминлашга қаратилган алоҳида икки йўналиш ва унинг доирасида амалга оширишга қаратилган мақсад ва вазифалар белгиланди. Жумладан, Ҳаракатлар стратегиясидан фарқли равишда Маънавий тараққиётни таъминлаш ва соҳани янги босқичга олиб чиқиш ҳамда Миллий манфаатлардан келиб чиққан ҳолда умумбашарий муаммоларга ёндашиш каби йўналишлар белгиланди.

Аввалгисига нисбатан 65 фоизи юртдошларимиз таклифлари асосида янгиланган Бош Қомусимизда инсон ҳуқуқларини ҳимоя қилиш, тадбиркорликка юқори мақом бериш, ўқитувчилар мавқеини мустаҳкамлаш каби янги моддаларнинг киритилгани ҳар бир фуқаронинг кўнглига мамнунлик бахш этади. Бу халқимиз табиатидаги бағрикенглик, донишмандлик фазилатларининг амалдаги намоёнидир.  

Олий Мажлис Қонунчилик палатаси депутати Умида Раҳмонова Янги Конституциянинг ягона манбаи ва муаллифи – халқ эканлигини яна бир бор эътироф этди.  

Батафсил:  

<iframe width="866" height="487" src="https://www.youtube.com/embed/8DV5XwEzsXU" title="Янги Конституциянинг муаллифи - халқ" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Хулоса қилиб айтганда халқимиз муаллифлигида ишлаб чиқилган Янги Ўзбекистоннинг Янги Конституцияси мамлакатимиз тараққиёти, фуқароларимиз турмуш тарзини юксалтириш йўлида йўлчи юлдуз бўлиб хизмат қилиши шубҳасиз.

 

М.Турдалиева, А.Аҳмедов,ЎзА