Ялангтўш Баҳодир – буюк давлат арбоби ва енгилмас саркарда (+видео)
Ялангтўш Баҳодир — ўзбек халқи ва кишилик тарихида чуқур из қолдирган буюк тарихий шахс ва давлат арбоби. Ялангтўш Баҳодир туғилган кунининг 450 йиллигига бағишлаб ФА Тарих институтида уюштирилган умуммиллий йиғини — буюк бобомизнинг шахсияти, сиёсий, ҳарбий, иқтисодий фаолияти, ҳомийлик ва меъморчилик ишларининг ўзбек халқи ва давлатчилиги тарихини ўрганишдаги аҳамиятига бағишланди.
Тадбирда Ялангтўш Баҳодирнинг ўзбек халқи, Турон ва умуман кишилик ўтмишидаги ўрнини тадқиқ этишнинг долзарблиги, илм-фан ва таълим соҳасини ривожлантириш бўйича юритган сиёсати ва ҳомийлик фаолиятини, хусусан, унинг ташаббуси билан қурилган Шердор, Тиллакори мадрасалари нафақат меъморий иншоот, балки Туркистоннинг муҳим таълим ва илмий марказларидан бири бўлгани атрофлича таҳлил қилинди.
“Ялангтўш Баҳодир – буюк давлат арбоби ва енгилмас саркарда” умуммиллий йиғинда эълон қилинган илмий натижалар, маърифий фикрлар халқимиз, айниқса, ёшларнинг буюк бобомизнинг бошқарув ва ҳарбий маҳорати, иқтисодий ва меъморий мероси бўйича тасаввурларини бойитишга хизмат қилади.
<iframe width="560" height="315" src="https://www.youtube.com/embed/87Qsbm3hxe4?si=0NpH5eSy6gO4lCDO" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Улуғбек Тўхтаев, ЎзА
