WSJ: Фақат 12 давлат баллистик ракета ишлаб чиқара олади
“The Wall Street Journal” нашри ёзишича, Украинанинг FP-7 баллистик ракетаси илк бор жанговар тарзда қўлланиши мамлакат мудофаа саноати дунёдаги энг замонавий соҳага айланганидан гувоҳлик беради.
Энди Украина ҳам шу тоифадаги ракета ишлаб чиқараётган 12 давлат қаторидан жой олди. Бундай юртлар сафига АҚШ, РФ, Эрон, Хитой ва Франция ҳам киради.
Баллистик ракета ишлаб чиқариш жуда қиммат, чунки мазкур қурилмалар ўта мураккаб нишонга олиш тизимига эга ва конструкцияси ўта юқори ҳароратга бардош бера олиши керак.
Мақолада таъкидланишича, Украина ҳарбий саноат мажмуаси дунёдаги энг инновацияли ҳаво, ер усти ва денгиз дрони, радио сигналини ўчирадиган илғор техника, шунингдек гаубица ва икки турда қанотли ракета яратди. Соҳа раҳбарияти таъкидлашича, Украина зарур миқдорда қурол-яроқ тайёрлаш учун етарли молия захирасига эга эмас. Мамлакатнинг ўз ракета ишланмалари бор, лекин ишлаб чиқариш кўлами паст бўлгани учун ракеталарини чекланган миқдорда ишлатмоқда.
С.Раҳимов ЎзА
