АҚШ Давлат котиби Марко Рубио “Fox News” телеканалига берган интервюсида президент Трампнинг “Америка манфаати биринчи ўринда” дея таърифлаган ташқи сиёсат доктринаси ҳақида фикр билдирди.

Шунингдек, у Эрон ядровий муаммоси, 19 мамлакат фуқаролари учун виза чеклови ҳамда Украинадаги можарони ҳал қилиш бўйича музокаралар ҳақида ҳам тўхталган.

– Вашингтоннинг режаси Киевга хавфсизлик кафолатларини бериш, суверенитетини сақлаб қолиш ва 10 йил ичида ўлканинг Россия ялпи ички маҳсулотидан ошиб кетиш имкониятини ўз ичига олади, - деди Қўшма Штатлар ташқи сиёсат идораси раҳбари. 

Шу билан бирга, у худди Москванинг яна бир неча йил давомида ҳарбий ҳаракатлар олиб бориши реал бўлмагани каби АҚШнинг Украинани чексиз қўллаб-қувватлови ҳам реал эмас, деди.

С.Раҳимов, ЎзА