ТуркПОЛ ташкил этиш таклиф қилинди
Туркия ички ишлар вазири Мустафо Чифтчи Туркий давлатлар ташкилоти (ТДТ) доирасида Жиноятчиликка қарши кураш кенгаши тузишни таклиф қилди. Янги механизм мамлакатларнинг уюшган жиноятчилик, кибер жиноятчилик ва бошқа таҳдидларга қарши кураш бўйича ҳамкорлигини мустаҳкамлайди, гумондорларни биргаликда қидиришни осонлаштиради.
Мулозимнинг сўзларига кўра, айни масалада келишув бўйича биринчи техник учрашув шу йил июль ойида бўлиб ўтган. Кейинчалик мазкур идора ТуркПол – ТДТ ҳуқуқни муҳофаза қилиш ҳамкорлиги агентлигига айлантирилиши мумкин.
Кейинги йиғилишда музокара якунланиши ва таъсис шартномаси имзоланиши кутиляпти.
С.Раҳимов, ЎзА
