Трамп Россия ва Хитойни АҚШдан нефть харид қилишга чақирди
- Мен Хитой ва Россияга "сиз билан жуда яхши чиқишамиз, сизни жуда яхши кўрамиз, лекин Венесуэлада бўлишингизни истамаймиз" дедим.
Мен уларга бир нарсани яна ва яна айтаман: биз бизнес учун очиқмиз. Хитой биздан Венесуэлада ёки АҚШда истаганча, бор нефтни сотиб олаверсин. Россия ҳам биздан керагича нефт олиши мумкин, - деди АҚШ Президенти Дональд Трамп нефть компаниялари раҳбарлари билан учрашувда.
Венесуэла нефти устидан назорат ўрнатишга уриниш мавзусига изоҳ бераркан, у “Шу ишни биз қилмасак, Хитой ёки Россия албатта қиларди” деди. Америка раҳбари мулоқот давомида нефть компаниялари раҳбарлари Венесуэлага 100 миллиард доллар сармоя киритишга ваъда берганини ҳам эълон қилди.
С.Раҳимов, ЎзА