АҚШ президенти Дональд Трампнинг айтишича, Эронга қарши олиб борилаётган уруш тез орада тугаши мумкин. Унинг бундай баёнотидан кейин нефть нархлари кескин тушиб кетди, деб хабар қилди DW нашри.

Душанба, 9 март куни CBS News телеканалига телефон орқали берган интервьюсида Трамп шундай деди:  

«Менимча, уруш деярли тугади. Уларда флот йўқ, алоқа тизими ва ҳарбий ҳаво кучлари ҳам йўқ».

Бироқ у шу билан бирга АҚШ ва Исроил ҳали тўлиқ ғалаба қозонмаганини ҳам тан олган.

Трампнинг сўзларига кўра, Эроннинг ракеталари деярли йўқ қилинган, дронлар ишлаб чиқариш заводлари ишдан чиқарилган, хуллас Эронда «деярли ҳеч нарса қолмаган».

АҚШ президентининг таъкидлашича, халқаро кемалар учун жуда муҳим бўлган Ҳормуз бўғози ҳозир очиқ ва у ерда кемалар ҳаракати давом этмоқда.

Бир неча кун аввал Эрон бу бўғоз устидан тўлиқ назорат ўрнатганини айтган эди. Шу билан бирга Трамп АҚШ бу бўғозни ўз назоратига олиш имкониятини ҳам кўриб чиқаётганини айтди.  

Шунингдек, Трамп Эроннинг янги олий раҳбари этиб тайинланган шахсдан ҳам норози эканини билдирди. Унинг сўзларига кўра, бу тайинлов «эски муаммоларнинг яна бир давоми» ҳисобланади.

Трамп аввалроқ янги раҳбар Вашингтон томонидан маъқулланиши керак, акс ҳолда «у узоқ турмайди» деб айтган эди.

<iframe width="640" height="420" src="https://www.youtube.com/embed/H5aNukQPJfg" title="Tramp: Erondagi urush deyarli tugadi..." frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Улуғбек Тўхтаев (видео), ЎзА