Трамп АҚШдаги оралиқ сайлов натижасини Оқ уйда кузатади
АҚШ Президенти Дональд Трамп ва маъмурият аъзолари Оқ уйнинг Шарқий хонасидан Конгрессга оралиқ сайлов натижасини кузатиб боради. Бу ҳақда CNN телеканали манбаларга таяниб хабар берган.
Маълумотга кўра, Трамп ёрдамчилари билан суҳбатда республикачи номзодларнинг сайлов олди кампаниясини қўллаб-қувватлаш бўйича саъй-ҳаракатини олқишлаган. Шу билан бирга у партия сайловда салбий сценарийга дуч келиши мумкинлигини тан олган. Оқ уйнинг икки расмий вакили ҳам маъмурият ҳар қандай натижага тайёрлигини билдирган.
Эслатиб ўтамиз, АҚШда 3 ноябрь куни бўлиб ўтган оралиқ сайловда Сенатнинг 35, Вакиллар палатасининг барча 435 аъзоси сайланади. Шунингдек, 36 штатда губернаторлик сайлови ўтказилмоқда.
А.Маматов, ЎзА
