
“Тошкент метрополитени” ДУК матбуот хизмати хабар қилишича, Тошкентга янги 3 та замонавий метро поезди олиб келинди. Поездлар 7-10 кун давомида техник синовдан ўтказилиб, хизмат кўрсатиш учун йўналишларга чиқарилади.
Қайд этилишича, йил бошидан бери пойтахт метросига 9 та янги ҳаракат таркиби олиб келинди. Натижада метрополитен паркида замонавий янги ҳаракат таркиблари улуши 50 фоиздан ортди. Жорий йилнинг февраль ойи давомида яна шу турдаги 3 та метро поезди олиб келиниши режалаштирилган.
Метро вагон паркларини янгилашдан мақсад белгиланган вақт интервалларини янада қисқартиришдан иборат.
Муҳайё Тошқораева, ЎзА