Теннисчиларимизнинг навбатдаги муваффақиятлари
Қирғизистонда Халқаро теннис федерацияси томонидан ўсмирлар ўртасида ўтказилаётган J60 таснифига кирувчи “Cholpon-Ata Open” турнирида теннисчиларимиз муваффақиятли иштирок этмоқда.
Турнирнинг иккинчи даврасида Маҳмудбек Бекназаров нейтрал теннисчи Петр Бочаровни 2:6, 6:1, 6:2, Алан Зинатулин туркиялик Берке Муаммер Окумусни 4:1, Абдураҳмон Каримов нейтрал спортчи Георгий Пронинни 6:2, 6:4, Никита Ғафуров ҳиндистонлик Нитинбаратни 6:3, 7:6 ҳисобида мағлубиятга учратди.
Энди мусобақанинг чорак финалида Маҳмудбек Бекназаров – Фелор Евдокимов (нейтрал теннисчи), Алан Зинатулин – Камал Фахретдинов (нейтрал теннисчи), Абдураҳмон Каримов – Давид Моглиевский (Исроил), Никита Ғафуров – Тимур Гордеев (нейтрал теннисчи) тўқнашувлари ўтказилади.
Жавоҳир Тошхўжаев,
ЎзА
