Хабар берганимиздек, Туркиянинг Анталия шаҳрида теннис бўйича ўтказилаётган M15 таснифига кирувчи халқаро турнирда ҳамюртимиз Сергей Фомин муваффақиятли иштирок этмоқда.

Теннисчимиз Халқаро теннис федерацияси томонидан ўтказилаётган мазкур мусобақанинг яккалик баҳслари биринчи даврасида испаниялик Икер Севилла билан куч синашди ва 5:7, 7:5, 7:5 ҳисобида зафар қучди. Энди Сергей турнирнинг иккинчи босқичида яна бир испан теннисчиси Алехандро Пертусага қарши кортга чиқади.

Эслатиб ўтамиз, турнирнинг жуфтлик баҳсларида Сергей Фомин нейтрал теннисчи Даниил Голубев билан тандем ҳосил қилиб, чорак финалга йўл олган ва ярим финал йўлланмаси учун чехиялик Мартин Крумич ва швейцариялик Жеффри фон дер Шуленбург дуэти билан куч синашиш ҳуқуқини қўлга киритган эди.

Жавоҳир Тошхўжаев, ЎзА