Теннис: Ҳумоюн Султонов чорак финалда ўйнайди
Австриянинг Клагенфурт шаҳрида теннис бўйича М15 тоифасига кирувчи халқаро турнирда ҳамюртимиз Ҳумоюн Султонов чорак финал йўлланмасини қўлга киритди.
Халқаро теннис федерацияси томонидан ўтказилаётган ушбу мусобақанинг нимчорак финалида Ҳ.Султонов германиялик Луис Весселс билан рақобатлашди ва 6:3, 3:6, 6:3 ҳисода ғалаба қозонди. Натижада теннисчимиз турнирнинг чорак финалига йўл олди. Энди Ҳумоюн ушбу босқичда германиялик теннисчи Калвин Мюллерга қарши кортга чиқадиган бўлди.
Маълумот учун, агарда бугун бўлиб ўтадиган чорак финалдаги баҳсда Ҳумоюн Султонов зафар қучса, финал остонасида чехиялик Речек Доминик ва германиялик Адриан Эцбах тўқнашуви ғолиби билан ўзаро куч синашади.
Жавоҳир Тошхўжаев,
ЎзА
