Бугунги видеоселектор йиғилишида қайд этилишича, Сергели туманида 70 гектар майдонда хусусий инвесторлар билан бирга, кичик саноат-сервис ва савдо зонаси барпо этилмоқда.

Жорий йилда Андижон, Бухоро, Наманган, Фарғона ва Самарқанд вилоятларида ҳам инфратузилма мавжуд бўлган 20-50 гектардан майдонда бу каби савдо ва саноат зоналарини қуришни бошлаш кераклиги таъкидланди.

Бундай зоналарнинг биринчи қаватида савдо ва хизмат кўрсатиш объектлари, юқори қаватларида ишлаб чиқариш қувватлари жойлаштирилади.

Видеоселекторда Тошкент шаҳар ҳокими Ж.Ортиқхўжаев Сергели туманида барпо этилаётган саноат-сервис ва савдо зонаси тажрибаси ҳақида сўзлаб берди.

Йиғилишда тадбиркорларни молиявий қўллаб-қувватлаш тизимини янада кенгайтириш масаласи ҳақида ҳам сўз юритилди.

Пандемия даврида хизмат кўрсатиш соҳасини ривожлантириш учун 1 триллион сўм ажратилгани ҳисобидан 20 мингта янги иш ўрини яратилгани қайд этилди.

Йиғилишда Марказий банкка тижорат банклари билан бирга жорий йилда оилавий тадбиркорликка ажратилаётган маблағларнинг камида 1 триллион сўмини (15 фоиз) хизмат кўрсатиш соҳасидаги янги лойиҳаларга йўналтириш топширилди.

Шунингдек, Андижон тажрибаси асосида кредитларнинг 70 фоизини кафолатли иш ўрни яратадиган кичик бизнес лойиҳаларига ажратиш кераклиги таъкидланди.

Йиғилишда Экспортни рағбатлантириш агентлигининг 1 триллион сўми ҳисобидан банкларга узоқ муддатли ресурс ажратиб, экспортёрларга айланма маблағ учун “револьвер” кредитлар беришни бошлаш, тадбиркорлар фаолиятини қўллаб-қувватлашнинг қўшимча механизмларини кенгайтириш юзасидан ҳам кўрсатмалар берилди.

ЎзА

English
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
Тадбиркорларни қўллаб-қувватлаш бўйича қўшимча механизмлар яратилади

Бугунги видеоселектор йиғилишида қайд этилишича, Сергели туманида 70 гектар майдонда хусусий инвесторлар билан бирга, кичик саноат-сервис ва савдо зонаси барпо этилмоқда.

Жорий йилда Андижон, Бухоро, Наманган, Фарғона ва Самарқанд вилоятларида ҳам инфратузилма мавжуд бўлган 20-50 гектардан майдонда бу каби савдо ва саноат зоналарини қуришни бошлаш кераклиги таъкидланди.

Бундай зоналарнинг биринчи қаватида савдо ва хизмат кўрсатиш объектлари, юқори қаватларида ишлаб чиқариш қувватлари жойлаштирилади.

Видеоселекторда Тошкент шаҳар ҳокими Ж.Ортиқхўжаев Сергели туманида барпо этилаётган саноат-сервис ва савдо зонаси тажрибаси ҳақида сўзлаб берди.

Йиғилишда тадбиркорларни молиявий қўллаб-қувватлаш тизимини янада кенгайтириш масаласи ҳақида ҳам сўз юритилди.

Пандемия даврида хизмат кўрсатиш соҳасини ривожлантириш учун 1 триллион сўм ажратилгани ҳисобидан 20 мингта янги иш ўрини яратилгани қайд этилди.

Йиғилишда Марказий банкка тижорат банклари билан бирга жорий йилда оилавий тадбиркорликка ажратилаётган маблағларнинг камида 1 триллион сўмини (15 фоиз) хизмат кўрсатиш соҳасидаги янги лойиҳаларга йўналтириш топширилди.

Шунингдек, Андижон тажрибаси асосида кредитларнинг 70 фоизини кафолатли иш ўрни яратадиган кичик бизнес лойиҳаларига ажратиш кераклиги таъкидланди.

Йиғилишда Экспортни рағбатлантириш агентлигининг 1 триллион сўми ҳисобидан банкларга узоқ муддатли ресурс ажратиб, экспортёрларга айланма маблағ учун “револьвер” кредитлар беришни бошлаш, тадбиркорлар фаолиятини қўллаб-қувватлашнинг қўшимча механизмларини кенгайтириш юзасидан ҳам кўрсатмалар берилди.

ЎзА