Бугунги глобализация шароитида Марказий Осиё давлатлари ташқи сиёсатда кўп қиррали ёндашувни амалга ошираётгани тобора яққол намоён бўлмоқда. Минтақа давлатлари халқаро майдонда умумий манфаатни илгари суриш, иқтисодий ривожланишни таъминлаш ва хавфсизликни мустаҳкамлаш мақсадида “С5+” каби форматларда тараққий этган давлатлар билан самарали ҳамкорлик механизмини йўлга қўймоқда.

Айни жараёнда Россия Федерацияси билан ҳамкорлик алоҳида аҳамият касб этиб, сиёсий, иқтисодий ва маданий-гуманитар йўналишларда самарадорликка эришилмоқда. Айниқса, транспорт-логистика лойиҳалари, энергетика, меҳнат миграцияси, хавфсизлик ва таълим соҳаларидаги ҳамкорлик минтақа тараққиётига салмоқли ҳисса қўшмоқда.

Маълумки, кеча Тожикистоннинг Душанбе шаҳрида бўлиб ўтган “Марказий Осиё – Россия” форматидаги иккинчи саммитда кўп томонлама шерикликни янада ривожлантириш, сиёсий, савдо-иқтисодий, инвестициявий ва маданий-гуманитар соҳалардаги ҳамкорликни кенгайтириш масалалари, шунингдек халқаро ва минтақавий сиёсатнинг долзарб жиҳатлари кўриб чиқилди.

ЎзА мухбири мазкур йиғинда мамлакатимиз томонидан илгари сурилган таклиф ва ташаббуслар хусусида сиёсий фанлар доктори, профессор Сайфиддин Жўраевнинг фикрларини ёзиб олди.

Ушбу интервьюни ЎзАнинг “YouTube” каналида кўришингиз мумкин.

<iframe width="650" height="420" src="https://www.youtube.com/embed/pSFuY5-Vk5U" title="Sayfiddin Jo‘rayev: Prezidentimiz tashabbuslarimintaqa farovonligiga xizmat qiladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ў.Алимов, И.Исматов (видео), ЎзА