Ринопластика — бу буруннинг шакли ва ҳажмини эстетик тарзда ўзгартириш, шунингдек, уни функционал ёки реконструктив мақсадларда тиклаш учун амалга ошириладиган жарроҳлик амалиёти. Бу юқори даражадаги операция бўлиб, ҳар бир беморнинг индивидуал юз тузилиши, симметрияси ва анатомик хусусиятлари ҳисобга олинган ҳолда бажарилади.

Кўпчилик ринопластикани ташқи кўринишни яхшилаш, яъни бурун шаклини ўзгартириш, уни кичрайтириш ёки ассиметрияни бартараф этиш каби эстетик сабаблар билан танласа-да, бу операция нафақат ташқи гўзаллик, балки соғлом нафас олишни таъминлашда ҳам муҳим роль ўйнайди.

Ринопластика орқали қуйидаги функционал муаммолар самарали ҳал этилиши мумкин:

-Бурун ичидаги девор (септум)нинг қийшайгани туфайли юзага келган нафас олиш қийинчиликларини бартараф этиш;

-Сурункали синусит каби узоқ давом этадиган бурун муаммоларини енгиллаштириш;

-Жароҳатлар ёки туғма нуқсонлар натижасида юзага келган бурун деформацияларини тиклаш.

Шу боисдан ринопластика — бу фақат ташқи чирой эмас, балки ички соғлиқ ва ҳаёт сифати билан боғлиқ бўлган муҳим жарроҳлик амалиёти.

<iframe width="650" height="420" src="https://www.youtube.com/embed/1yLZq9aEZbM" title="Rinoplastika: Estetik va tibbiy yondashuv uyg`unligi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Дилдора Дўсматова, Аброр Содиқов, Анвархўжа Аҳмедов (видео), ЎзА