Республика суд экспертиза маркази Марказий Осиёда биринчи бўлиб одам ДНКси суд-биологик экспертизасини ўтказмоқда
Бу ҳақда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида бўлиб ўтган матбуот анжуманида айтилди.
Бу ҳақда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида бўлиб ўтган матбуот анжуманида айтилди.
Таъкидланганидек, Президентимизнинг 2019 йил 17 январдаги “Суд-экспертлик фаолиятини янада такомиллаштириш чора-тадбирлари тўғрисида”ги қарорига мувофиқ амалиётда илк бор нодавлат ташкилотлар томонидан суд-экспертлик фаолиятини амалга оширишнинг ҳуқуқий асослари яратилди.
Қарорга асосан нодавлат суд-экспертиза ташкилотларига ҳам суд экспертизаларининг 44 турини ўтказиш ҳуқуқи берилди. Шунингдек, 2019-2020 йилларда суд-экспертлик фаолиятини янада такомиллаштириш бўйича 25 банддан иборат “Йўл харитаси” тасдиқланди ва унга асосан суд-экспертиза хизматлари фаолиятининг норматив-ҳуқуқий базасини такомиллаштириш, амалиётга янги инновацион ишланмаларни жорий этиш, суд экспертизаларининг турларини кенгайтириш, уларнинг сифати ва ишончлилигини ошириш, суд-экспертлик фаолиятига ахборот- коммуникация технологияларни жорий қилиш, ихтисослаштирилган нодавлат суд экспертиза ташкилотларини ривожлантириш йўналишлари белгиланди.
– Марказ нафақат мамлакатимизда, балки Марказий Осиёда нуфузли суд экспертиза муассасаси ҳисобланиб, бугунги кунда кенг тармоқли марказга айланди, – деди Хадича Сулаймонова номидаги Республика суд экспертизаси маркази директори А.Халилов. – Биз Марказий Осиёда биринчи бўлиб одам ДНКси суд-биологик экспертизасини ўтказишни йўлга қўйдик.
Маълумот учун айтиш жоиз, Х.Сулаймонова номидаги Республика суд экспертизаси маркази янги, замонавий талабларга жавоб берадиган ихтисослашган бинода иш бошлаган.
