Қримда Россия ҳарбий самолёти қулаб тушди, 29 киши ҳалок бўлди (+видео)

Ироқда америкалик журналист ўғирлаб кетилди, Эрон эса АҚШга алоқадор йирик технологик компаниялар объектларига таҳдид қилди, Шимолий Кореяда Ким Ё Чжон таъсири ортиб бормоқда, АҚШда суд Трампнинг Оқ уйдаги қиммат лойиҳасини тўхтатди, Қримда ҳарбий самолёт ҳалокати 29 кишининг ўлимига сабаб бўлди, Польша Патриот тизимларини беришдан бош тортди, шунингдек АҚШ Россияга тегишли айрим кемаларга нисбатан санкцияларни бекор қилди.

<iframe width="650" height="420" src="https://www.youtube.com/embed/PU27AAaeepU" title="Qrimda Rossiya harbiy samolyoti qulab tushdi, 29 kishi halok bo`ldi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ироқда америкалик журналист ўғирлаб кетилди

Ироқнинг Бағдод шаҳрида 31 март куни америкалик журналист Шелли Киттлесон номаълум шахслар томонидан ўғирлаб кетилди, АҚШ ҳукумати вазиятни кузатаётгани ва Ироқ расмийлари билан ҳамкорлик қилаётганини маълум қилди, ҳозирча ҳодиса ортида ким тургани аниқ эмас, бироқ у аввалроқ Эронга алоқадор “Катаиб Ҳизбуллоҳ” гуруҳи томонидан таҳдидлар ҳақида огоҳлантирилган, хавфсизлик кучлари гумонланувчилардан бирини қўлга олган ва операция давом этмоқда.

Эрон минтақадаги Аппле, Гоогле ва Майкрософт офисларига ҳужум билан таҳдид қилди

Эрон Ислом инқилоби қўриқчилари корпуси Яқин Шарқдаги АҚШга алоқадор технологик компаниялар объектларига зарба берилиши мумкинлиги ҳақида таҳдид қилди, рўйхатда Майкрософт, Аппле, Гоогле билан бирга бошқа йирик корпорациялар ҳам бор, улар Эронга қарши операцияларда иштирок этишда айбланмоқда, баёнотда ходимларга иш жойларини тарк этиш ва хавфли ҳудудлардан узоқлашиш тавсия қилинган, таҳдидлар 1 апрелдан кучга кириши айтилган.

Дунёдаги энг хавфли аёл сиёсатчи маълум қилинди

Шимолий Корея етакчиси Ким Чен Иннинг синглиси Ким Ё Чжон дунёдаги “энг хавфли аёл сиёсатчи” деб баҳоланди, мутахассисларга кўра у мамлакат сиёсий тизимида иккинчи шахс бўлиб, муҳим қарорларга катта таъсир кўрсатади, у бир неча бор расмий баёнотлар билан чиқиб, айрим ҳолларда Жанубий Кореяга нисбатан ядровий таҳдидлар ҳам билдирган.

Суд Трампга Оқ уйда 400 млн долларлик зал қуришни тақиқлади

АҚШ суди президент Дональд Трампга Оқ уй ҳудудида 400 миллион долларлик бал зали қуришни вақтинча тақиқлади, қарорга кўра қурилиш Конгресс рухсатисиз амалга оширилиши мумкин эмас, суд бу лойиҳа президент ваколатларидан ташқари эканини таъкидлади, лойиҳа 14 кунга тўхтатилди ва бу вақт ичида апелляция бериш имконияти мавжуд.

Қримда Россия ҳарбий самолёти қулаб тушди, 29 киши ҳалок бўлди

Қрим ҳудудида Ан-26 ҳарбий транспорт самолёти ҳалокатга учраб, бортдаги 29 киши — 6 нафар экипаж аъзоси ва 23 йўловчи ҳалок бўлди, самолёт билан алоқа 31 март куни узилган ва кейинчалик унинг қулаган жойи аниқланган, дастлабки маълумотларга кўра, ҳодисага техник носозлик сабаб бўлган бўлиши мумкин.

Польша АҚШнинг Патриот тизимларини бериш ҳақидаги сўровини рад этди

Польша АҚШнинг Яқин Шарққа Патриот зенит-ракета мажмуаларини юбориш бўйича сўровини рад этди, мудофаа вазири Владислав Косиняк-Камиш ушбу тизимлар фақат мамлакат ва НАТОнинг шарқий қанотини ҳимоя қилиш учун мўлжалланганини билдирди, расмийлар миллий хавфсизлик устувор эканини таъкидламоқда.

АҚШ Россиянинг учта кемасидан санкцияларни олиб ташлади

АҚШ Россия байроғи остида сузувчи учта кемага нисбатан жорий этилган санкцияларни бекор қилди, улар орасида Фесcо Монерон, Фесcо Магадан ва СВ.Николай бор, бу кемалар аввал Россиянинг айрим компаниялари билан алоқалари сабабли чекловлар рўйхатига киритилган эди, ҳозирда улар турли ҳудудларда ҳаракатланмоқда.

Нозимбек Мардонов, Салим Обиджонов ЎзА