Қирғиз Республикасида ўтказилган қўл жанги бўйича Осиё чемпионатида мамлакатимиз спортчилари умумжамоада 1-ўринни эгаллади.

16 давлатдан 300 нафардан ортиқ спортчилар иштирок этган баҳсларда терма жамоамиз аъзолари 9 та олтин 5 та кумуш ва 3 та бронза медалини қўлга киритди. 

Шу тариқа 17 та медаллар шодасига мушарраф бўлган юртимиз қўл жанги усталари умумжамоа ҳисобида биринчи ўринни эгаллади. 

Қозоғистонлик спортчилар 2-ўрин, мусобақа мезбони Қирғиз Республикаси вакиллари учинчи ўринга сазовор бўлди. 

Т.Рўзиев, ЎзА