Қирғизистонда махсус бўлинмаларнинг жанговар учувчисиз учиш аппаратлари ва роботлардан фойдаланиш бўйича машғулотлари бўлиб ўтди, деб хабар тарқатди мамлакат Миллий хавфсизлик давлат қўмитаси матбуот хизмати.

– 22 апрель куни Қирғизистон Вазирлар Маҳкамаси раиси ўринбосари, Миллий хавфсизлик давлат қўмитаси раиси, генерал-полковник Қамчибек Ташиев бошчилигида “Асман Козомолу – 2025” (“Осмон кузатувчиси-2025”) терроризмга қарши ўқув машғулотлари бўлиб ўтди, -дейилади манбада.

Матбуот хизмати хабарига кўра, машғулотлардан кўзланган мақсад, махсус бўлинмалар ходимларининг оператив жанговар ҳаракатлар пайтида учувчисиз бошқариладиган учоқлар ва ердаги роботлардан фойдаланиш бўйича кўникмаларини ошириш, шунингдек, дронлар ва квадрокоптерлардан хавфсиз фойдаланишни амалда синаб кўришдан иборат.

С.Раҳимов, ЎзА