Қибрай туманида содир бўлган ёнғин ҳақида нималар маълум?
ЎзА воқеа жойига бориб вазиятни ўрганишга ҳаракат қилмоқда.
Аввал хабар берилганидек, бугун, соат 20:10 да Тошкент вилояти, Қибрай туманида жойлашган Тошкент давлат аграр университети ҳудудидаги бинода ёнғин содир бўлган.
Шунга кўра, ёнғин-қутқарув экипажлари соат 20:17 да ҳодиса жойига етиб бориб, ёнғин соат 21:36 да қуршаб олинган ва соат 22:10 да батамом ўчирилган.
Ҳодиса оқибатида тан жароҳати олганлар ва ҳалок бўлганлар ҳақида маълумот келиб тушмаган.
Ўрмон хўжалиги агентлиги матбуот котибининг ЎзАга берган хабарига кўра, тегишли вазирлик ва ташкилотлар воқеа жойига, яъни ичкарига киришган ва вазиятни тўлиқлигича ўрганишмоқда. Тез орада қўшимча маълумотлар берилади.
ЎзА