Профессионал бокс: Баҳодир Жалолов IBF рейтингида юксалди
Ўзбек спортининг фахри, икки карра Олимпия ўйинлари олтин медали соҳиби, жаҳон чемпиони Баҳодир Жалолов Халқаро бокс федерацияси (IBF) рейтингида юқорилашга эришди.
Профессионал бокснинг энг оғир вазн тоифасида фаолият юритаётган Баҳодир Жалолов сентябрь ойига мўлжалланган рейтингда тўртинчи поғонага кўтарилди. У ўтган ой рейтингида олтинчи ўринда қайд этилганди.
Айтиш лозимки, профессионал бокснинг мазкур йўналишида айни пайтда хорватиялик Филип Хргович Жаҳон чемпиони саналади. У Буюк Британия вакили Мозес Итаумага қарши баҳсда ғалаба қозониб, IBF йўналишида чемпионлик камарини қўлга киритган бўлса, ҳозирда кубалик Фрэнк Санчес камар учун мажбурий даъвогар ҳисобланади.
Т.Рўзиев, ЎзА
